Nan Sylvester Comprehensive Cancer Center, misyon nou pa lòt: geri kansè.
Angajman sa a motive chak doktè, chèchè, enfimyè, teknisyen, terapis, defansè pasyan ak manm ekip nan sant nou an. Kòm sèl sant pou konbat kansè Enstiti Nasyonal Kansè (National Cancer Institute, NCI) deziyen nan Sid Eta Florida a, nou devan nan rechèch ak tretman kont kansè. Nou se youn nan sèlman 72 sant pou konbat kansè nan Ozetazini ki resevwa deziyasyon sa a, ki plase nou nan tet 4% tout sant kanse yo.
Kisa sa vle di:
Nou fyè dèske nou se yon sant pou konbat kansè NCI deziyen. Deziyasyon prestijye sa a se pi gwo rekonesans Enstiti Nasyonal Kansè bay, premye ajans gouvènman ameriken an pou rechèch ak fòmasyon sou kansè.
Deziyasyon an vle di nou respekte nòm ki pi estrik nan zafè rechèch ki tradwi dekouvèt syantifik nan sa ki gen pou wè ak terapi ki sove lavi—isit la menm nan Sid Florida. Epitou li debloke gwo finansman federal, ki pèmèt doktè ak chèchè nou yo elaji travay yo epi kolabore ak lòt sant ki nan premye plan NCI deziyen.
Nan Sylvester, ou pa sèlman resevwa swen; w ap jwenn aksè nan avni tretman kont kansè grasa ekip doktè-syantifik k ap travay pou transfòme siyifikasyon yon dyagnostik kansè.
Tank Gen Plis Ekspè nan Zafè Kansè nan Nivo Lokal Vle Di Pi Bon Swen pou Ou
Deziyasyon NCI nou an solidifye repitasyon nasyonal nou ak pozisyon nou pou atire plis finansman pou rechèch, sa ki lakòz rekritman doktè ak syantifik ki nan premye plan. Sa a pote pou ou plis ekspètiz dirèkteman, isit la nan Sid Florida.
Aksè Elaji ak Esè Klinik Iltramodèn
Pasyan nou yo gen aksè pou fè nouvo terapi san yo pa kite zòn nan. Kòm yon pati nan rezo prestijye NCI a, nou ofri aksè ak yon seri esè klinik ki pi laj, menm pou kansè ki pi difisil pou trete yo.
Nan Sylvester, nou gen sèl grenn pwogram esè klinik akademik faz 1 ki nan Sid Florida a pou timoun ak granmoun ki gen kansè. Pwogram sa a bay aksè ak nouvo tretman eksperimantal nan premye etap evalyasyon yo, li fè boujounnen lespwa lakay pasyan ki gen kansè ki pi difisil pou trete yo ak pasyan pi devan ki ka benefisye avansman ki fèt jodi a.
Pasyan ki kalifye nan Sylvester yo ka patisipe nan esè Rezo Nasyonal Esè Klinik NCI òganize yo, ki ba yo aksè ak esè miltisant wòdpòte, ki fèt nan tout peyi a. Esè sa yo enplike divès popilasyon pasyan, akselere tranzisyon rechèch laboratwa a fè ki ka pote fwi pou tretman reyèl.
NCI Reyafime Sylvester kòm Sèl Sant pou Konbat Kansè NCI Deziyen nan Sid Florida
Senk (5) lane apre yo te resevwa deziyasyon prestijye sa a, nou te pran li ankò, nou te fè yon nòt "Eksepsyonèl". NCI te rekonèt nou pou lidèchip syantifik ak etid rechèch nou yo, ansanm ak angajman nou nan fè fòmasyon ak bay sèvis kominotè.
Kèk nan pwogram sante piblik yo ki te ede nou nan jwenn deziyasyon NCI a se Inisyativ Kont Kansè Lakay Ponpye (Firefighter Cancer Initiative) nou an, yon etid alontèm sou kontaminasyon ak bagay ki ka bay kansè ak fason pou diminye ak anpeche risk kansè pou ponpye Florida yo. Machin Nou Genyen Ki Chanje Bagay yo ede goumen kont diferans nan zafè lasante nan kominote yo mal desèvi sou plan medikal yo epi ki gen ensidans kansè ak to mòtalite ki pi wo pase sa yo te espere.
Atravè travay nou, n ap chanje estanda swen yo pandan n ap patisipe ak dirije etid rechèch klinik yo. Efò nou yo te kore apwobasyon plizyè medikaman, tankou Pralsetinib, yon terapi vize pou kansè nan poumon, nan lane 2020.
An 2021, Òganizasyon Mondyal Lasante (OMS) te nonmen nou premye Sant Kolaboratè pou Eliminasyon Kansè Kòl Matris, pou efò nou deplwaye nan adrese kansè nan matris.
Kounye a, nou ap dirije oswa ko-dirige gwo sibvansyon, ki gen ladan plis pase $13 milyon nan lane 2021 pou de (2) gwo etid ki egzamine inegalite pami pasyan Panyòl ki gen kansè yo; $9.5 milyon nan lane 2022 pou mennen ankèt sou adenokasinòm ezofaj; $7 milyon nan lane 2022 pou fè rechèch sou efè egzèsis ak nitrisyon sou rezilta kansè nan ovè; ak $5 milyon nan lane 2022 pou etidye itilizasyon imajri avanse pou amelyore terapi ki fèt ak radyasyon pou pasyan ki soufri gliyoblastòm.
Epitou nou te dirije pwogram $7.5 milyon Fenotip Molekilè nan Alèl Nil nan Selil (Molecular Phenotypes of Null Alleles in Cells, MorPhiC) Enstiti Nasyonal Rechèch Jèn Imen an (National Human Genome Research Institute, NHGRI), yon efò konplè nan lane 2023 pou konprann fonksyon chak jèn imen.
Nou detèmine pou n ede redwi fado kansè a pou tout moun.
Sid Florida renome kòm Pòt Rantre nan Amerik yo, epi kòm sant pou konbat kansè NCI deziyen ki pi pre Amerik Latin ak Karayib la, nou byen plase pou pwolonje rechèch ak swen avanse nou yo pou plis moun ka benefisye yo. Enpak mondyal nou an deja parèt aklè, ak pasyan ki soti nan plis pase 80 peyi k ap chèche swen nivo mondyal nou an.
Jwenn ak kenbe deziyasyon NCI a se pa ti bagay piti. Depi 2012, Stephen D. Nimer, M.D., direktè Sylvester, te dirije efò san kanpe sa a avèk pasyon epi devouman ansanm ak pwofesè ak estaf estime sant nou an. Travay kolektif nou an ap kontinye, ak yon sèl objektif ki se: jwenn yon remèd pou chak pasyan.