Retinoblastom (RB) se yon fòm kansè ki ra. Li afekte selil retinal ki sansib nan limyè ki ede je nou wè. Li se malinyite je (okilè) ki pi popilè nan timoun ak twazyèm kansè ki pi popilè lakay timoun. Yo dyagnostike ant 250 ak 350 nouvo ka chak ane nan Etazini. Anviwon 90 pousan rive nan timoun ki gen mwens pase 5 ane.
Gen de kalite retinoblastòm; youn ki ereditè ak afekte tou de je yo (10 pousan nan ka yo) ak lòt kalite a ki non-ereditè, ki afekte sèlman yon je. Nan tout ka yo, seyans konsèy jenetik enpòtan pou timoun ki gen yon mitasyon liy-jèm (germ-line mutation). Maladi sa yo tèlman ra se pou sa li enpòtan pou w trete pitit ou a nan yon enstitisyon ki espesyalize nan retinoblastòm, tankou sant Sylvester Comprehensive Center.
Poukisa pou w chwazi sant Sylvester Comprehensive Cancer Center?
Trètman lokalize. Sylvester se sèl sant nan Sidès Etazini ak youn pami kat ou senk nan peyi a ki vrèman fòme nan yon trètman ki rele kimoterapi entra-ateryèl, ki founi plis trètman lokalize, ki fè timoun nan evite trètman sistemik ak redui anpil nesesite pou retire je a.
Rekòmandasyon pèsonalize. Menm si w gen yon predispozisyon familyal pou w gen yon kalite kansè patikilye, oubyen ou vle pitit ou a rete an sante pandan lontan, nou kenbe objektif ou yo nan tèt nou lè n ap bati orè ekzamen ak trètman w yo.
U.S. News & World Report klase enstiti Bascom Palmer Eye Institute #1. Enstiti Bascom Palmer Eye Institute se meyè etablisman nan peyi a pou trètman maladi ak twoub nan je, daprè U.S. News & World Report. Lè w chwazi nou pou swen je w, w ap resevwa meyè swen nan peyi a nan yon espas konpatisan.